L’UÒLH DEL BUÒU – Ivona Beaume
JOCS OLIMPICS E PARALIMPICS D’ESTIU DE 2024 EN FRANÇA
Los jòcs se debanaràn del divendres 26 de julhet al dimenge 11 d’agost, sus un vintenat de sites, en granda partida en region parisenca.
Los jòcs paralimpics eles, se debanaràn del dimècres 28 d’agost al dimenge 11 de setembre. Aqueles existisson solament dempuèi 1960, e los primièrs foguèron organizats a ROMA. Une idèa de las bèlas que tirèt camin.
Son dos eveniments esportius màgers, e serà l’ocasion de rapelar que l’iniciativa de los tornar metre al gost del jorn reven a un francés, lo baron Peire de COUBERTIN, mas anem pas disputar lor origina als grècs dins l’Antiquitat.
Es a la Sorbonne que lo 23 de junh de 1894, Monsur Coubertin prepausèt de los far renàisser, e foguèt aclamat amb afogament per aquò. Es verai qu’a totjorn obrat per l’intrada dels espòrts dins l’escòla. Primièrs jòcs en 1896.
Pasmens es demorat opausat a la participacion de las femnas als jòcs olimpics. Sus aqueste còp es pas estat davancièr ! Per sa defensa, a son epòca, las femnas èran relegadas a lor ròtle de reproduccion, al recapte de l’ostal e als enfants.
Sens voler faire un palm de nas al baron, sèm encantat(adas) que la primièra portaira de la flama sià aqueste an, una femna, francesa, en la persona de Laura Manaudou. Obtenguèt un fum de medalhas dins divèrsas especialitats de sa disciplina, la natacion.
A mens de 100 jorns de la debuta dels jòcs, los dirigents e los mèdias son en granda efervescéncia, que los jòcs soslèvan de questions divèrsas e variadas.
Mas los dedals son getats : lo 16 d’abril, la flama foguèt alucada a Olympia, naturalament en preséncia de l’organizator, Toní Estanguet, titulari el atanben d’un fum de medalhas.
Es a bòrd del batèl Lo Belem que la flama farà son intrada a Marselha lo 8 de mai. Òm pressentís Zinedine Zidane per n’èssre lo primièr portaire en França, mas aquò es una suposicion a gratis.
Fins al 26 de julhet, va boclar una virada de 69 jorns, passant per las plajas de Normandia, lo Mont Sant Miquèl…de sites nombroses en província e parisencs, e davant lo Bataclan de trista memòria, (amai lo Molin Rouge que n’a perdut sas alas).
D’alhors, çò que fa laguis a nòstres dirigents emai a d’autres, es la question de la securitat, que los risques d’atemptas son estats evaluats a lor nivèl mai naut.
D’efèit, es una primièra : la ceremonia de dobertura se va debanar en exterior, sus los bòrds de Seine (a mens que lo risc s’averèsse tròp grand). En mai, òm pòt crénher de dificultats de circulacion e d’estacionament, de capacitat d’albergament…Ja d’estudiants son estats pregats de voidar los luòcs, quand lors proprietaris an l’intencion de se far quatre sòus de mai en locacions mai caras.
Es pas impossible que los òtels, restaurants, botigas plan plaçats ne profièiten per augmentar lo prètz de lors prestacions.
I a tanben de trabalhaires que devon renonciar a lors vacanças d’estiu, a començar per los de las fòrças de polícia, e riscam de veire dins París mas de quèpis que de capèls de palha.
Dins l’espèr de tot aquò, los atlètas del mond entièr se preparan, sens èsser encara segurs d’èsser seleccionats, amb la bèla energia dont son capables, sevèrament conselhats per lors entraïnaires. Descrocar una medalha olimpica es la glòria per l’atlèta e per son país, e pòt èsser un viratge important dins sa carrièra esportiva.
Òm lor desira lo melhor, e per èsser un pauc patriòtas per un còp, subretot per los nòstres atlètas.
Bona capitada als jòcs, que nos faguèsson vibrar, embalar lo còr, coma o sabon tant plan faire, nos fasent doblidar un moment nòstres laguis quotidians, e los desplasers que los jòcs auran pogut engendrar.
Esperam ausir un fum de còps la Marselhesa que n’avèm pas jamai un confle de l’entendre. E val mai que restontiguèsse per aquò que per quicòm mai…
JEUX OLYMPIQUES ET PARALYMPIQUES DE 2024 EN FRANCE
Les jeux se dérouleront du vendredi 26 juillet au dimanche 11 août, sur une vingtaine de sites, en grande partie en région parisienne.
Les jeux paralympiques eux, se dérouleront du mercredi 28 août au dimanche 11 septembre. Ceux-ci existent seulement depuis 1960, et les premiers furent organisés à ROME. Une belle idée qui a fait son chemin.
Ce sont deux événements sportifs majeurs, et ce sera l’occasion de rappeler que l’initiative de les remettre au goût du jour en revient à un français, le baron Pierre de Coubertin, mais nous n’allons pas disputer leur origine aux grecs dans l’Antiquité.
C’est à la Sorbonne que le 23 juin 1894, Monsieur Coubertin a proposé de les faire renaître, et pour cela il a été acclamé avec fougue. Il est vrai qu’il a toujours œuvré pour l’entrée du sport dans l’école. Premiers jeux en 1896.
Cependant il est resté opposé à la participation des femmes aux jeux olympiques. Sur ce coup-là il n’a pas été précurseur ! Pour sa défense, à son époque, les femmes étaient reléguées à leur rôle de reproduction, à l’entretien de la maison et des enfants, et à s’occuper de cuisiner.
Sans vouloir faire un pied de nez au baron, nous sommes ravis (ies) que la première relayeuse de la flamme soit, cette année, une femme, française, en la personne de Laure Manaudou. Elle a obtenu un grand nombre de médailles dans diverses spécialités de sa discipline, la natation.
A moins de 100 jours du début des jeux, les dirigeants et les médias sont en effervescence, car les jeux soulèvent des questions diverses et variées.
Mais les dés sont jetés : le 16 avril, la flamme a été allumée à Olympie, naturellement, en présence de Tony Estanguet, organisateur des jeux, titulaire lui aussi de nombreuses médailles.
C’est à bord du bateau Le Belem que la flamme fera son entrée dans le port de Marseille le 8 mai. On pressent Zinedine Zidane pour en être le premier porteur en France, mais ce n’est qu’une supposition gratuite.
Jusqu’au 26 juillet, elle va boucler un périple de 69 jours, en passant par les plages de Normandie, le Mont Saint-Michel…de nombreux sites en province et parisiens, et devant le Bataclan de triste mémoire (et même le Moulin Rouge qui en a perdu ses ailes).
D’ailleurs, ce qui inquiète nos dirigeants et pas qu’eux, c’est la question de la sécurité, car les risques d’attentats ont été évalués à leur niveau le plus haut.
En effet, c’est une première : la cérémonie d’ouverture va se dérouler en extérieur, sur les bords de Seine (à moins que le risque s’avère trop grand). De plus on peut craindre des difficultés de circulation et de stationnement, de capacité d’hébergement…Déjà des étudiants ont été priés de vider les lieux, quand les propriétaires ont l’intention de se faire quatre sous de plus en locations plus chères.
Il y a de fortes chances que les hôtels, restaurants, boutiques bien placées en profitent pour augmenter le prix de leurs prestations.
Il y a aussi les travailleurs qui doivent renoncer à leurs vacances d’été, à commencer par ceux des forces de police, et nous risquons de voir dans Paris plus de képis que de chapeaux de paille.
Dans l’attente de tout cela, les athlètes du monde entier se préparent, sans être encore sûrs d’être sélectionnés, avec la belle énergie dont ils sont capables, sévèrement conseillés par leurs entraîneurs. Décrocher une médaille olympique c’est la gloire pour l’athlète et pour son pays, et peut être un virage important dans sa carrière sportive.
On leur souhaite le meilleur, et pour être un peu chauvins pour une fois, surtout pour nos athlètes.
Bonne réussite aux jeux, qu’ils nous fassent vibrer, emballer notre cœur, comme ils savent si bien le faire, nous faisant oublier un moment nos soucis quotidiens, et les désagréments que les jeux auront pu engendrer.
Espérons entendre de nombreuses fois la Marseillaise, car nous n’en avons jamais assez de l’entendre. Et il vaut mieux qu’elle résonne pour cela que pour autre chose…