MUSÈU-PARGUE DELS DINOSAURES DE MÈSA
Lo mot dinosaure a doas rasigas. Deimos : terrible ! e Saure : anglòra.
Los dinosaures foguèron los mèstres del mond pendent 165 milions d’annadas, e profechèron largament de las ressorças de la Tèrra, que las caliá emplir aquelas carcassas immensas.
Agèron lo bon gost de desparéisser vaquí 65 milions d’annadas, abans que d’autres predators – seguissètz mon agach – per exemple los òmes, venguèsson per acabar lo trabalh.
Vos fau gràcia dels detalhs de l’evolucion dels dinosaures pendent las diferentas èras de la vida de la Tèrra. L’Internet, emai de còps foguèsse un pauc messorguièr, o puslèu imprecís, o farà 100 còps mai que ieu.
Puèi ne cal gardar per quand vendretz visitar nòstre bèl « Musèu-Pargue » en plen aire, presentat coma lo mai grand d’Euròpa. Preveire de bonas calçaduras de marcha qu’aquò se passa en garriga.
Podètz, e es recomandat, faire seguir los enfants. Riscan pas pus res que, emai los dinosaures carnivòrs, son atanben despareguts.
I veiretz una bèla carcassa, çò que faguèt dire a l’enfant en plors :
– M’o aviatz promés qu’èran vius !
– De que tròn ! Ai res promés de parièr. D’alhors serián plan tròp vièlhs !
La responsa foguèt corteta :
– Pus vièlh que tu ?
Vaquí de qué metre los relòtges a l’ora !
Lo site foguèt descobèrt en març de 1996. Los escavaments metèron a jorn d’uòus de bona talha, qu’un solet auriá pogut servir a far una moleta familiala de las bèlas.
A l’azard de la visita, vesent dins una veirina de dents d’aquel animal fantastic, l’enfant pro inspirat per lo site, diguèt :
– Ieu o sabi coma a perdut sas dents lo dinosaure : faguèt un gròs gròs pet, e las dents tombèron totas solas !
A cadun son interpretacion, mas los visitaires s’èran revirats sus son passatge, que l’enfant aviá pas fach dins la discrecion, imitant a la perfeccion lo bruch dels pets de dinosaures…
E ieu, tot en reconeissent qu’es lausable de cercar de compréner la vida, faguèri coma se lo coneissiái pas aquel bregand !
Fin finala, tant plan que la visita del pargue dels dinosaures merita qualques explicacions prealablas…encara que dempuèi aquel temps, pas luènh d’un trentenat d’annadas, amb la mòda dels dinosaures per los joguets, jòcs, libres, documentaris, etc., serián benlèu los enfants que uèi nos en contarián.
De tot biais, se aquò vos agrada, podètz picar sus l’ordinator ; « Musèe-parc des dinosaures de Mèze ». Es fòrça interessant.
MUSÉE-PARC DES DINOSAURES DE MEZE
Le mot dinosaures a deux racines : Deimos : terrible ! et Saure : lézard.
Les dinosaures furent les maîtres du monde pendant 165 millions d’années, et ils ont largement profité des ressources de la terre, car il les fallait remplir ces immenses carcasses.
Ils eurent le bon goût de disparaître voilà 65 millions d’années, avant que d’autres prédateurs – suivez mon regard – par exemple les hommes, viennent pour terminer le travail.
Je vous fais grâce des détails de l’évolution des dinosaures pendant les différentes ères de la vie de la Terre. Internet, même si parfois il est un peu menteur, ou plutôt imprécis, le fera 100 fois mieux que moi.
Puis il faut en garder pour quand vous viendrez visiter notre beau « Musée-Parc » à ciel ouvert, présenté comme le plus grand d’Europe. Prévoir de bonnes chaussures de marche car cela se passe en garrigue.
Vous pouvez, et c’est recommandé, faire suivre les enfants. Ils ne risquent rien, car même les dinosaures carnivores ont disparu.
Vous y verrez une belle carcasse, ce qui fit dire à l’enfant en pleurs :
– tu me l’avez promis qu’ils étaient vivants !
– qu’est-ce que tu racontes ! Je n’ai rien promis de pareil. D’ailleurs, ils seraient bien trop vieux !
La réponse fut très courte :
– Plus vieux que toi ?
Voilà de quoi mettre les pendules à l’heure !
Le site fut découvert en mars 1996. les fouilles ont mis à jour des œufs de bonne taille, dont un seul aurait pu servir à faire une belle omelette familiale.
Au hasard de la visite, voyant dans une vitrine des dents de cet animal fantastique, l’enfant très inspiré par le site, dit :
– Moi je le sais comment il a perdu ses dents le dinosaure : il a fait un gros gros pet, et les dents sont tombées toutes seules !
A chacun son interprétation, mais les visiteurs s’étaient retournés sur son passage, car l’enfant n’avait pas fait dans la discrétion, imitant à la perfection le bruit des pets des dinosaures…
Et moi, tout en reconnaissant qu’il est louable de chercher à comprendre la vie, j’ai fait comme si je ne le connaissais pas ce brigand !
En somme, peut-être que la visite du parc des dinosaures mérite quelques explications préalables…encore que depuis ce temps, pas loin d’une trentaine d’années, avec la mode des dinosaures par les jouets, jeux, livres, documentaires, etc, ce serait peut-être les enfants qui aujourd’hui nous en conteraient.
Quoi qu’il en soit, si cela cous plaît, vous pouvez taper sur l’ordinateur : « Musée-Parc des dinosaures de Mèze ». C’est fort intéressant.