L’IRANGE
Es pas tan luònh qu’aquò lo temps ont l’arbre de Nadal èra decorat per un irange, unic present pels enfants.
Pauc a pauc, de bolas bèlas e lusentas l’an remplaçada sur l’avet.
A son pè, los presents que l’Òme Nadal i a despausat dins la prigonda nuòch, per i téner companhiá e i gratilhar los artelhs.
Mas aquò dura pas, que de matin los nenons lo venon desliurar e metre d’òrdre (un biais de dire) dins tot aquò.
Es amb d’uòlhs meravilhats que veson cluquetejar las garlandas multicolòras. Mas son preissats de despolhar los presents de sos bèls papièrs, dins de cruissiments sonòres qu’acaban de desrevelhar l’ostal encara endormit per la frescor de la nuòch…
Lo devenir de l’irange èra jogat : seriá una frucha coma las autras, malgrat sas divèrsas varietats, que n’i a un fum.
Mas aquò se faguèt pas en un jorn, que l’irange èra considerada coma un produch de luxe. Es per aquò qu’èra un bèl present de Nadal a la debuta del sègle darrièr.
Dins son « Dicionari amorós de la Mediterranèu », editat en 2015, Richard Millet nos en traça lo camin.
L’irange es nascut en China mas son nom ven de l’arab narandj. En espanhòl se ditz naranja, en italian arancia, e lo provençau arangi bailèt, d’après R. Millet, son nom a la vila d’Aurenja : èra per aquí que los iranges anavan montar Ròse.
La produccion de l’irange es ara mondializada : America, Mexic, Brasil, ĺndia…e en Mediterranèa, Espanha, Itàlia, Marròc, Egipta, Israèl, Turquia.
Remarcarem que França figura pas dins aquel catalògue pasmens recent.
Mas uòi, en vos passejant dins las carrièras de nòstres vilatges de la còsta mediterranèa, podètz èsser suspreses per una bona odor ; aquela odor la coneissiatz qu’un còp levat lo tap d’una fiòla d’aiga de flor d’irangièr, aquela aiga perfumava las còcas del dimenge.
Atirats per aquela nolor, levant los uòlhs, podètz veire despassar de las muralhas de polidas floretas blancas.
Mas se vos en tornatz sus vòstres passes en aquela sason, poiretz veire d’arbres plegant jos lo pes d’iranges pas encara madurs, mas en bon camin per l’èsser per Nadal.
Semblariá qu’ara los irangièrs se plaguèsson en nòstra companhiá…
Se ne cal regaudir o se ne cal desolar ?
A cadun son vejaire sus la question.
L’ORANGE
Il n’est pas si lointain le temps où l’arbre de Noël était décoré d’une orange, unique cadeau des enfants.
Peu à peu, les boules belles et brillantes l’ont remplacée sur le sapin de Noël.
A son pied, les cadeaux que le Père Noël y a déposé dans la nuit profonde, pour lui tenir compagnie et lui titiller les orteils.
Mais cela ne dure pas, car dès le matin, les enfants viennent le délivrer et mettre de l’ordre (une manière de dire) dans tout cela.
C’est avec des yeux émerveillés qu’ils voient clignoter les guirlandes multicolores. Mais ils sont pressés de dépouiller leurs cadeaux de leurs beaux papiers, dans des craquements sonores qui achèvent de réveiller la maison encore endormie par la froideur de la nuit…
Le devenir de l’orange était joué : ce serait un fruit comme les autres, malgré ses nombreuses variétés.
Mais cela ne s’est pas fait en un jour, car l’orange était considérée comme un produit de luxe ; raison pour laquelle c’était un beau cadeau de Noël au début du siècle dernier.
Dans son « Dictionnaire amoureux de la Méditerranée », édité en 2015, Richard Millet nous en trace le chemin.
L’orange est née en Chine mais son nom vient de l’arabe narandj. En espagnol naranja, en italien arancia, et le provençal arangi a donné, d’après R. Millet, son nom à la ville d’Orange : c’est par là que les oranges allaient remonter le Rhône.
La production de l’orange est maintenant mondialisée : Amérique, Mexique, Brésil, Inde…et en Méditerranée, Espagne, Italie, Maroc, Egypte, Israël, Turquie.
Nous remarquerons que la France ne figure pas dans ce catalogue pourtant récent.
Mais aujourd’hui, en vous promenant dans les rues de nos villages de la côte méditerranéenne, vous pouvez être surpris par une bonne odeur ; cette odeur, vous la connaissiez quand une fois enlevé le bouchon d’une fiole d’eau de fleur d’oranger, cette eau parfumait les gâteaux du dimanche.
Attirés par cette odeur, en levant les yeux, vous pouvez voir de jolies fleurettes blanches.
Mais si vous revenez sur vos pas en ce moment, vous pouvez voir des arbres croulant sous le poids des oranges, pas encore mûres, mais en bon chemin pour l’être pour Noël.
Il semblerait que maintenant les orangers se plaisent en notre compagnie…
Faut-il s’en réjouir ou faut-il s’en désoler ?
A chacun son avis sur la question.