Ivona Beaume
Los robòts ara son tan perfeccionats que d’unes son ja dotas dels sens de la vista e de l’ausida.
La noveltat es que i a un robòt, que se sona DAGGY, que pòt sentir (per lo melhor e per lo pièger per el). Aquò s’avera fòrça util.
Es antau que los mai astrucs an pogut veire barrutlar dins las carrièras de nòstre vilatge, MÈSA, lo robòt niflaire.
Èra tot solet. Pas besonh de menaire. Coma un grand es fotut de s’engulhar per carrièras, evitant los obstacles, esparnhant los pedons.
Mas son trabalh es de niflar. Aicí de que pòt cercar? de possibles pèrdas de gas. Lo robòt trabalha dins un sector delimitat e cartografiat d’avança.
S’ajudant d’algorismes (aquí me’n cal pas tròp demandar), calcula la trajectòria dels gas, s’inspirant del biais de far d’unes insèctes. De mai se trufa del sens que bufa lo vent.
Son patron es GRDF (Gaz Réseau Distributeur France). Es aquel organisme que, après aver experimentat Daggy a Montpelhièr, l’a mes a la dispausicion de nòstra comuna per detectar d’eventualas pèrdas de metan plaça Aristidi Briand, a l’endrech ont i aurà d’òbras sus las vias, se se pòt dire antau.
Amb sos captors 10 000 còps mai sensibles que lo nas uman (per tan gròs que siá !), Daggy se met a l’obratge. S’encontra la preséncia de gas, balha l’alèrta e passa la man a de tecnicians que se meton a cercar l’origina d’aquela pèrda.
Qu’òm se rassegura. Lo robòt a desliurat sa senténcia : ges de pèrda de gas aicí.
Cal dire que per faire pas enganar lo robòt, la consigna èra estada balhada als pedons :
« Mèfi ! Pedons, se per benastre vos sètz regalats d’un bon caçolet, sètz pregats de cambiar de trepador. Mercé de vòstra compreneson ».
Ò ! Ò ! Ò !
Seriá pas pus lèu un peis d’abril aquò ?…
ROBOT RENIFLEUR
Les robots sont maintenant si perfectionnés que certains sont déjà dotés des sens de la vue et de l’ouïe.
La nouveauté est qu’il y a un robot, qui s’appelle DAGGY, capable de sentir (pour le meilleur et pour le pire pour lui). Cela s’avère fort utile.
C’est ainsi que les plus chanceux ont pu voir balader dans les rues de notre village, MEZE, le robot renifleur.
Il était tout seul. Pas besoin de conducteur. Comme un grand, il est fichu de se faufiler dans les rues, évitant les obstacles et les piétons.
Mais son travail est de renifler. Que peut-il bien chercher ici? de possibles fuites de gaz. Le robot travaille dans un secteur délimité et cartographié à l’avance.
S’aidant d’algorithmes (là il ne faut pas trop m’en demander), il calcule la trajectoire des gaz, s’inspirant d’une manière de faire d’insectes. De plus il se moque du sens du vent qui souffle.
Son patron est GRDF (Gaz Réseau Distributeur France). C’est l’organisme qui après avoir expérimenté Daggy à Montpellier, l’a mis à la disposition de notre commune, en vue de détecter d’éventuelles fuites de méthane place Aristide Briand, où il y aura des travaux de voierie, si on peut le dire ainsi.
Avec ses capteurs 10000 fois plus sensibles que le nez humain (pour si gros qu’il soit), Daggy se met à l’ouvrage. S’il rencontre la présence de gaz, il donne l’alerte et passe le relais à des techniciens qui se mettent à rechercher l’origine de cette fuite.
Qu’on se rassure. Le robot a délivré sa sentence : pas de gaz ici.
Il faut dire que pour ne pas induire en erreur le robot, la consigne avait été donnée aux piétons :
« Attention ! Piétons, si par chance vous vous êtes régalés d’un bon cassoulet, vous êtes priés de changer de trottoir. Merci de votre compréhension »
Ho ! Ho ! Ho ! Ce ne serait pas plutôt un poisson d’avril ça ?