Los qu’aguèron la saviesa de metre de costat qualques jorns de congèt, poiràn aprofechar de çò que foguèt batetjat « Trèva dels Confiseires ». Aquel periòd situat entre Nadal e l’An Novèl es benvengut a la debuta de l’ivèrn.
Poder dormir son sadol sens èstre desrevelhats per lo ràdio revelh que nos conta de nòvas de mens en mens regaudissentas. Rebalar en gonèla de cambra fins a pas d’ora, s’anar passejar dins lo bon de la jornada, ajudar lo filhòt a montar lo trin electric, per son plaser (e subretot per lo vòstre). En escambi vos poiretz daissar guidar dins la practica de son darrièr jòc vidèo…
En soma un bèl periòd per afrontar una annada nòva que voldriam talament mas repausanta que la que nos aprestam a daissar al detràs de nosautres.
Mas d’ont nos ven aquela bèla expression que nos met l’aiga a la boca ? Trèva dels cofiseires !
Cal recuolar fins a 1874. Los òmes que s’estinhassavan (los pels o la perruca ?) amb ferocitat a prepaus de la Constitucion, aguèron lo bon gost de se clinar davant la necessitat de daissar al comèrci parisenc lo temps de se far quatre sòus tranquillament.
Republicans, Monarquistas e Bonapartistas metèron lor rancòr dins la pòcha e lo mocador per dessús. Aquò per se requinquilhar e metre entre parentèsis lors divisions prigondas.
De tot biais, sembla que la tradicion de la trèva faga l’unanimitat.
Lo mond n’aprofechan per se gavar de pastas de fruchas e autres codonhats, e subretot de chocolats recebuts en present per Nadal.
Per contra per tant qu’aimatz vòstre chin, es pas lo moment de lo gastar amb un pauc de chocolat… levat se vos o vòstre vesin vos ne volètz desbarrassar…
Perqué ? Figuratz-vos que dins aquel manjar tan gostós i a de teobromina. De qu’es aquò ? Vos daissi lo suènh de cercar ; auretz lo temps pendent la trèva dels confiseires. Per çò que ne sabi, aquò es maissant per los chins : los fa racar, an lo baticòr e son fòrça agitats, pecairòts !
Per contra vosautres, vos en podètz galavardejar que l’an que ven nos caldrà benlèu nos contentar de los agachar, los chocolats, que lo prètz del cacau es a s’envolar.
Mentretrant, vòstre brave chin rosigarà dins son canton los òsses de vòstre darrièr pòt-al-fuòc…a cadun son plaser.
E per nosautres, après èstre venguts pendent qualques jorns, siá republicans, siá Monarquistas, o encara Bonapartistas, nos caldrà lèu èstre Reialistas per degustar en familha o entre amics la famosa fogassa dels Reis. E se dins lo respècte de la tradicion, los qu’an agantat la fava pagan a lor torn lo reialme, aquò nos poiriá ben menar fins als uòus de Pascas.
Après tot, perqué pas? Es pas lo vòstre pastissièr que se ne va plànher !
Alara, Visca los confiseires, Visca la Trèva dels Confiseires
TRÊVE DES CONFISEURS
Ceux qui ont eu la sagesse de mettre de côté quelques jours de congé, pourront profiter de ce qui fut baptisé « Trêve des Confiseurs ». Cette période située entre Noël et le jour de l’an est bienvenue au début de l’hiver.
Pouvoir dormir tout son soûl sans être réveillés par le radio réveil qui nous conte des nouvelles de moins en moins réjouissantes. Traîner en robe de chambre jusqu’à point d’heure, aller se promener dans le bon de la journée, aider le fiston à monter le train électrique, pour son plaisir (et surtout pour le vôtre). En échange, vous pourrez vous laisser guider dans la pratique de son dernier jeu vidéo…
En somme une belle période pour affronter une nouvelle année que nous voudrions tellement plus reposante que celle que nous nous apprêtons à laisser derrière nous.
Mais d’où nous vient cette belle expression qui nous met l’eau à la bouche ? Trêve des Confiseurs !
Il faut reculer jusqu’en 1874. Les hommes qui se crêpaient le chignon (ou la perruque ?) avec férocité à propos de la Constitution, eurent le bon goût de s’incliner devant la nécessité de laisser au commerce parisien le temps de se faire quatre sous d’une manière tranquille.
Républicains, Monarchistes et Bonapartistes mirent leur rancœur dans leur poche et leur mouchoir par-dessus. Cela pour se requinquer et mettre entre parenthèses leurs profondes convictions.
Quoi qu’il en soit, il semble que la tradition fasse l’unanimité.
Les gens en profitent pour se gaver de pâtes de fruit et autres pâtes de coing, et surtout de chocolats reçus en cadeau pour Noël.
Par contre pour autant que vous aimiez votre chien, ce n’est pas le moment de le gâter avec un peu de chocolat…sauf si vous ou votre voisin souhaitez-vous en débarrasser…
Pourquoi ? Figurez-vous que dans cette denrée si goûteuse il y a de la theobromine. Qu’est-ce ? Je vous laisse le soin de chercher ; vous aurez le temps pendant la trêve des confiseurs. Pour ce que j’en sais, cela est mauvais pour les chiens : cela les fait vomir, ils ont le cœur qui s’emballe e ils sont très agités les pauvrets !
Par contre vous, vous pouvez vous en goinfrer car l’an prochain il nous faudra peut-être nous contenter de les regarder les chocolats, car le prix du cacao est en train de s’envoler.
Pendant ce temps, votre brave chien rongera les os de votre dernier pot-au-feu…à chacun son plaisir.
Et pour nous, après être devenus pendant quelques jours, soit Républicains, soit Monarchistes ou encore Bonapartistes, il nous faudra être Royalistes pour déguster en famille ou (et) entre amis, la fameuse galette des Rois. Et si dans le respect de la tradition, ceux qui auront trouvé la fève payent à leur tour le royaume, cela pourrait bien nous amener jusqu’aux œufs de Pâques.
Après tout, pourquoi pas ? Ce n’est pas votre pâtissier qui va s’en plaindre !
Alors, Vive les confiseurs, Vive la trêve des Confiseurs